ශා. පීතර අ. අ. පූර්ව වටයට

විනූ මොහොට්ටිගේ දක්ෂ පන්දු යැවීම නිසා අන්තර් පාසල් වයස 19 න් පහළ ‘සිංගර් කුසලාන’ කි‍්‍රකට් තරගාවලියේ I කාණ්ඩයේ අර්ධ අවසන් පූර්ව වටයට සුදුසුකම් ලබාගැනීමට බම්බලපිටිය ශාන්ත පීතර විදුහල සමත් විය.

කැලණිය ගුරුකුල විදුහලට එරෙහිව බම්බලපිටියේදී පැවැති පෙර අර්ධ අවසන් පූර්ව වටයේ තරගයෙන් ඉනිමක සහ ලකුණු 44 ක ජයක් අත්කර ගනිමින් ශාන්ත පීතර විදුහල අර්ධ අවසන් පූර්ව වටයට සුදුසුකම් ලබාගත්තේය.

මනෙල්ක ද සිල්වා (87) සහ හෂාන් වනසේකර (64) ශාන්ත පීතර විදුහල වෙනුවෙන් අර්ධ ශතක ලබාගත් අතර විනූ මොහොට්ටි ලකුණු 70 කට කඩුලූ 7 ක් දවාගනිමින් පන්දුවෙන් දස්කම් දැක්වීය.

ශාන්ත පීතර විදුහල පළමු ඉනිම -  ඕවර 77.4 කඩුලූ 9 ක් දැවී 296
(මනෙල්ක ද සිල්වා 87, හෂාන් වනසේකර 64, ලක්ෂිණ රොද්‍රිගූ 33, රවිඳු ද සිල්වා නොදැවී 25, සචින්ත චමිත් 58/5)

ගුරුකුල විදුහල පළමු ඉනිම -  ඕවර 52.1 සියලූ දෙනා දැවී 159
(ලසිඳු අරෝෂ 45, අශින්ත මල්ෂාන් 38, පැතුම් මහේෂ් 30, විනූ මොහොට්ටි 35/3, චතුර ඔබේසේකර 31/2, සුදේෂ් පතිරණගේ 54/2)
 
ගුරුකුල විදුහල දෙවැනි ඉනිම -  ඕවර 35.2 සියලූ දෙනා දැවී 93
(ජයමාල් වන්නිආරච්චි 38, පෘතුවි රූසර 23, විනූ මොහොට්ටි 35/4, චතුර ඔබේසේකර 24/3)