ශ්‍රී ජයවර්ධනපුර මහා විද්‍යාලයට ඉනිමක ජයක්

‘සිංගර් කුසලාන’ වයස 19 න් පහළ ක්‍රිකට් තරගාවලියේ දෙවැනි කොටසේ තරගයකදී කළුතර තිස්ස මධ්‍ය මහා විද්‍යාලයට එරෙහිව ඉනිමක සහ ලකුණු 26 ක ජයක් ලබාගැනීමට කෝට්ටේ ශ්‍රී ජයවර්ධනපුර මහා විද්‍යාලය අද (28 වැනිදා) සමත්විය. මෙම තරගය කෝට්ටේ නගරසභා ක්‍රීඩාංගණයේදී පැවැත්විණි.

කළුතර තිස්ස මධ්‍ය මහා විද්‍යාලයේ ඔෂේන් නිම්රොද් සහ ශ්‍රී ජයවර්ධනපුර මහා විද්‍යාලයේ සම්පත් නිස්සංක කඩුලු 5 බැගින් දවාගනිමින් පන්දුවෙන් දස්කම් දැක්වූහ.

තිස්ස මැදි විදුහල - පළමු ඉනිම - ඕවර 25.1 කදී සියලුදෙනා දැවී ලකුණු 43
(සම්පත් නිස්සංක 18/5, ඉෂාර සමින්දික 07/3)

ශ්‍රී ජයවර්ධනපුර මහා විද්‍යාලය - පළමු ඉනිම - ඕවර 77 කදී සියලුදෙනා දැවී ලකුණු 203
(බුද්ධික චමින්ද 50, ලිසුක දිනසර 44, ආකාෂ් කුමාර 41, ඔෂේන් නිම්රොද් 18/5, කෝසල රවිඳු 19/2)

තිස්ස මැදි විදුහල - දෙවැනි ඉනිම - ඕවර 36.3 කදී සියලුදෙනා දැවී ලකුණු 134
(රමේෂ් මදුසංක 30, කෝසල කවිඳු 29, අශේන් චංදුල 21, ජයසුන්දර සෙනෙවිරත්න 33/4, ඉෂාර සමින්දික 38/3)