විඳුක ඇලවිෂියස් විදුහලට ඉනිමක ජයක ගෙනෙයි

‘සිංගර් කුසලාන’ වයස 19 න් පහළ ක්‍රිකට් තරගාවලියේ පළමු කොටසේ තරගයකදී කෑගල්ල ශාන්ත මේරී විද්‍යාලයට එරෙහිව ඉනිමක සහ ලකුණු 100 ක ජයක් හිමිකර ගැනීමට ගාල්ල ශාන්ත ඇලවිෂියස් විද්‍යාලය අද (18 වැනිදා) සමත්විය. මෙම තරගය ගාල්ල ජාත්‍යන්තර ක්‍රිකට් ක්‍රීඩාංගණයේදී පැවැත්විණි.

දක්ෂ පන්දු යැවීමක නිරතවූ විඳුක මල්ෂිත් ඉනිම දෙකෙහිදී ලකුණු 65 කට කඩුලු 9 ක් දවාගනිමින් ගාල්ල ශාන්ත ඇලවිෂියස් විද්‍යාලයට ඉනිමක ජයක් ගෙන දීමට සමත්විය. චතුර ප්‍රභාත් (53) අර්ධ ශතකයක් ලබාගැනීමට සමත්විය.

ශා. ඇලවිෂියස් විද්‍යාලය - පළමු ඉනිම - ඕවර 73.1 කදී සියලුදෙනා දැවී ලකුණු 244
(චතුර ප්‍රභාත් 53, සංදීප සමෝද් 46, මනුෂ්ක සමිත් 32, ඔමාල් සංදීප් 31, රවිඳු කාංචන 20, ඉෂාන් වීරසූරිය 93/6, වයි.දියගම 30/2)

ශා.මේරී විද්‍යාලය - පළමු ඉනිම - ඕවර 42.2 කදී සියලුදෙනා දැවී ලකුණු 101
(විඳුක මල්ෂිත් 43/4, කවිඳු දිල්හාර 13/3)

ශා.මේරී විද්‍යාලය - දෙවැනි ඉනිම - ඕවර 23.4 කදී සියලුදෙනා දැවී ලකුණු 43
(ඉෂාන් වීරසූරිය නොදැවී 26, විඳුක මල්ෂිත් 22/5, මනුෂ්ක සමිත් 06/3)