.jpg)
ගම්පහ රත්නාවලී බාලිකා විද්යාලය සහ නුගේගොඩ අනුලා විද්යාලය අතර මහ ක්රිකට් තරගය මෙම මස 11 වැනිදා දෙවැනි වරටත් ආර්. ප්රේමදාස ක්රීඩාංගණයේ දී පැවැත්වේ. මෙම පාසල් දෙක අතර බාලිකා ක්රිකට් තරගය පසුගිය වසරේ දී ආරම්භ විය.
රත්නාවලී විද්යාලයේ ක්රීඩා පරිපාලක සීතා පෙරේරා, ක්රිකට් භාර ආචාරිනී අනූෂා ගුණසේකර, ක්රිකට් පුහුණුකරු චමින්ද පෙරේරා හා කළමනාකාර අරුණ ගුණරත්න යන මහත්ම මහත්මීන්ගේ දායකත්වය මේ සඳහා හිමිව තිබේ.
මෙම ඓතිහාසික පළමු තරගය සඳහා සත්කාරකත්වය අනුලා විද්යාලය දුන් අතර එහි ජයග්රහණය අනුලා විද්යාලයීය කණ්ඩායමට හිමි විය.
මෙම වසරේ දී දෙවැනි වරට පැවැත්වෙන රාජිනියන්ගේ සංග්රාමය ක්රිකට් සංග්රාමයේ රත්නාවලී විදුහල් කණ්ඩායම් නායකත්වය පබසරා රණබාහු විසින් දරන අතර අනුලා විද්යාලයේ නායකත්වය දරනු ලබන්නේ හරිෂිතා මාධවී විසිනි. රත්නාවලී බාලිකා විද්යාලයේ විදුහල්පතිනි හේමා ජයවර්ධන මහත්මිය හා අනුලා විද්යාලයේ විදුහල්පතිනි ජයනි ප්රිසංගිකා මහත්මිය මෙම තරගය සාර්ථක කර ගැනීම පිණිස සුවිශේෂී නායකත්වයක් ලබාදෙනු ඇත.
මෙම තරගාවලියේ සත්කාරක පාසල ලෙස කටයුතු කරනු ලබන්නේ රත්නාවලී බාලිකා විද්යාලයයි.
|
රත්නාවලී බාලිකා විදුහල් කණ්ඩායම |
|
අනුලා විද්යාලයීය කණ්ඩායම |
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
