මහනුවර විද්‍යාර්ථයට ඉනිමක ජයක්

අන්තර පාසල් වයස 19 න් පහළ ‘සිංගර් කුසලාන’ ක්‍රිකට් තරගාවලියේ දෙවැනි කොටසේ තරගයකදී බලපිටිය රේවත විද්‍යාලයට එරෙහිව ඉනිමක සහ ලකුණු 72 ක ජයක් ලබාගැනීමට මහනුවර විද්‍යාර්ථ විද්‍යාලය සමත්විය. මෙම තරගය බලපිටිය පුහුණු විද්‍යාලයීය ක්‍රීඩාංගණයේදී පැවැත්විණි.

මහනුවර විද්‍යාර්ථ විද්‍යාලයේ මෙදුනක විජේතිලක (115) ශතකයක් සහ කඩුලු 4 ක් දවාගනිමින් පිත්තෙන් මෙන්ම පන්දුවෙන්ද දස්කම් දැක්වීය.

රේවත විද්‍යාලය - පළමු ඉනිම - ඕවර 26.1 කදී සියලුදෙනා දැවී ලකුණු 99
(ගිම්හාන් ද සිල්වා 40, කසුන් කරුණාතිලක 35/4, ආදිත්‍ය කලල්පිටිය 13/3, ඉශාන් සංගීත් 02/2)

විද්‍යාර්ථ විද්‍යාලය - පළමු ඉනිම - ඕවර 81.5 කදී කඩුලු 9 ක් දැවී ලකුණු 359
(මෙදුනක විජේතිලක 115, දුමින්ද ඉමන්ත 76, ශමල් ප්‍රියදර්ශන 56, කසුන් කරුණාතිලක 36, සුදේෂ් කුමාර 64/4, මල්ෂ අශේන් 58/2)

රේවත විද්‍යාලය - දෙවැනි ඉනිම - ඕවර 32 කදී සියලුදෙනා දැවී ලකුණු 188
(ගිම්හාන් ද සිල්වා 71, චතුන් කාව්‍ය නොදැවී 53, ශෂික ලක්ෂාන් 26, මෙදුනක විජේතිලක 38/4, කසුන් කරුණාතිලක 67/4)