මහින්ද විදුහල අර්ධ අවසන් පූර්ව වටයට

ශ්‍රී ලංකා පාසල් ක්‍රිකට් සංගමය සංවිධානය කරන වයස 19 න් පහළ ‘සිංගර් කුසලාන’ අන්තර් පාසල් සීමිත ඕවර ක්‍රිකට් තරගාවලියේ I කොටසේ අර්ධ අවසන් පූර්ව වටයට සුදුසුකම් ලබාගැනීමට ගාල්ල මහින්ද විදුහල සමත් විය.

ගාල්ල ජාත්‍යන්තර ක්‍රිකට් ක්‍රීඩාංගණයේදී පැවැති පෙර අර්ධ අවසන් පූර්ව තරගයේදී මොරටුව ශාන්ත සෙබස්තියන් විදුහලට එරෙහිව කඩුලු 7 ක පහසු ජයක් වාර්තා කරමින් මහින්ද විදුහල තරගාවලියේ අර්ධ අවසන් පූර්ව වටයට සුදුසුකම් ලබාගත්තේය.

ජයග්‍රහණය සඳහා ලකුණු 210 ක ඉලක්කයක් හඹාගිය මහින්ද විදුහල් ක්‍රීඩකයෝ ඕවර 45.4 ක් අවසානයේ කඩුලු 3 ක් පමණක් දැවී එම ඉලක්කය පසුකර ගියහ. එහිදී නොදැවී ශතකයක් ලබාගත් හංසික වැලිහිඳ (නොදැවී 104) සිය කණ්ඩායම ජයග්‍රහණය කරා කැඳවාගෙන ගියේය.

ශාන්ත සෙබස්තියන් විදුහල - ඕවර 49.2 කදී සියලු දෙනා දැවී 209
(නිෂිත අභිලාෂ් 48, මලින්ත පීරිස් 40, දෂික් පෙරේරා 37, තරුෂ ප්‍රනාන්දු 21, කේ.කේ. කෙවින් 20/2, සුබානු රාජපක්ෂ 34/2)

මහින්ද විදුහල - ඕවර 45.4 කදී කඩුලු 3 ක් දැවී 212
(හංසික වැලිහිඳ නොදැවී 104, කේ.කේ. කෙවින් 46)