නදීර ගාල්ල විද්‍යාලෝකයට ජය ගෙනෙයි

‘සිංගර් කුසලාන’ වයස 19 න් පහළ ක්‍රිකට් තරගාවලියේ තෙවැනි කොටසේ තරගයකදී කුලීගොඩ මාදම්ප මධ්‍ය මහා විද්‍යාලයට එරෙහිව ඉනිමක සහ ලකුණු 80 ක ජයක් හිමිකර ගැනීමට ගාල්ල විද්‍යාලෝක විද්‍යාලය අද (14 වැනිදා) සමත්විය. මෙම තරගය රත්ගම මහජන ක්‍රීඩාංගණයේදී පැවැත්විණි.

පළමු ඉනිමේදී ලකුණු 24 කට කඩුලු 5 ක් සහ දෙවැනි ඉනිමේදී ලකුණු 40 කට කඩුලු 6 ක් දවාගනිමින් පන්දුවෙන් දස්කම් දැක්වූ නදීර නිෂාන් ගාල්ල විද්‍යාලෝක විද්‍යාලය ජයග්‍රහණය කරා රැගෙන යාමට සමත්විය.

විද්‍යාලෝක විද්‍යාලය - පළමු ඉනිම - ඕවර 55.1 කදී කඩුලු 9 ක් දැවී ලකුණු 292
(සංජු ලක්ෂාන් 99, නදීර ඉෂාන් 60, සචිඳු සෞම්‍ය 53, සුධීර මුතුමාල් 73/3, දිල්ශාන් බස්නායක 11/2)

මාදම්ප ම.ම.විද්‍යාලය - පළමු ඉනිම - ඕවර 55.5 කදී සියලුදෙනා දැවී ලකුණු 110
(මල්ෂාන් තරුපති 20, නදීර නිෂාන් 24/5, සොනාල් රම්සර 12/3)

මාදම්ප ම.ම.විද්‍යාලය - දෙවැනි ඉනිම - ඕවර 33.2 කදී සියලුදෙනා දැවී ලකුණු 102
(නදීර නිෂාන් 40/6, දිල්ෂාන් බස්නායක 20/2)