දේවපතිරාජ - මාදම්පා තරගය 6-7

‘ශ්‍රීමත් අර්නස්ට් ද සිල්වා’ අනුස්මරණ කුසලාන වෙනුවෙන් රත්ගම දේවපතිරාජ විදුහල සහ මාදම්පා මධ්‍ය මහ විදුහල අතර දෙවැනි වරටත් පැවැත්වෙන වාර්ෂික මහ ක්‍රිකට් තරගය හෙට සහ අනිද්දා (6 සහ 7) මාදම්පා විදුහල් ක්‍රීඩාංගණයේදී පැවැත්වේ.

දෙවිදුහල් අතර ඉකුත් වසරේදී (2017) පැවැති පළමු මහ ක්‍රිකට් තරගය ජයගැනීමට දේවපතිරාජ විදුහල සමත් විය. මේ වසරේදී දේවපතිරාජ විදුහල් කණ්ඩායම මෙහෙයවීමේ වගකීම පැතුම් මධුෂංකට හිමිවී ඇති අතර තිසර දිල්ෂාන් කණ්ඩායමේ උප නායකයා ලෙස කටයුතු කරයි. උදේෂ් චතුරංග මෙන්ඩිස් මාදම්පා විදුහල් කණ්ඩායමේ නායකත්වය දරණ අතර කණ්ඩායමේ උප නායකත්වය කවිඳු සුරේෂණට හිමිව තිබේ.

අන්තර් පාසල් ක්‍රිකට් තරගාවලියේ II වැනි කාණ්ඩය යටතේ තරග වදින දේවපතිරාජ විදුහල මෙවර තරග වාරයේදී තරග 14 කට සහභාගි වූ අතර ඉන් 4 කදී පූර්ණ ජයග්‍රහණ වාර්තා කිරීමට සමත් විය. තරග 2 කදී පරාජයට පත්වූ දේවපතිරාජ විදුහල සෙසු තරග 8 ජය පරාජයෙන් තොරව අවසන් කරගත්තේය. මේ වසරේ පැවැති වයස 19 න් පහළ දෙදින තරගාවලියේ සහ සීමිත ඕවර තරගාවලියේ අර්ධ අවසන් පූර්ව වටයට සුදුසුකම් ලබාගැනීමටද දේවපතිරාජ විදුහල සමත් විය.

අන්තර් පාසල් ක්‍රිකට් තරගාවලියේ III වැනි කාණ්ඩය යටතේ තරග වදින මාදම්පා විදුහල මෙවර තරග වාරයේදී 7 කට සහභාගි විය. එහිදී එක් තරගයක් ජයගැනීමට ඔවුන් සමත් වූ අතර සෙසු තරග 6 පරාජයට පත් විය.

දේවපතිරාජ විදුහල් කණ්ඩායමේ ප්‍රබලම පිතිකරුවා ලෙස සැලකෙන රවීන් යසස්, මෙවර තරග වාරයේදී 1200 කට වැඩි ලකුණු සංඛ්‍යාවක් රැස්කරගෙන සිටින අතර ඊට ද්විත්ව ශතකයක් සහ ශතක 2 ක්ද ඇතුළත්ය. නායක පැතුම් මධුෂංක ලකුණු 700 ක් රැස්කරමින් සහ කඩුලු 69 ක් දවාගනිමින් තුන් ඉරියව්වෙන්ම දස්කම් දක්වා සිටියි.

සධීර වීරරත්න ලකුණු 600 සීමාවද, පවන් සන්දේෂ් සහ ජීවක ශෂීන් ලකුණු 450 සීමාවද ඉක්මවා ලකුණු රැස්කරමින් දේවපතිරාජ විදුහල් කණ්ඩායමේ පිතිකරු ලැයිස්තුව ශක්තිමත් කරති.

මාදම්පා විදුහලේ වැඩිම ලකුණු ලභියා වන කවිඳු ද සොයිසා 250 කට වැඩි ලකුණු සංඛ්‍යාවක් ලබා සිටින අතර මල්ෂ තරුපති කඩුලු 28 ක් බිඳහෙළා තිබේ.

දේවපතිරාජ විදුහල රත්ගම පැතුම් මධුෂංක (නායක), තිසර දිල්ෂාන් (උප නායක), රවීන් යසස්, සුධීර වීරරත්න, කල්ප චේතිය ගිම්හාන, චාමික සඳරුවන්, පවන් සන්දේෂ්, ජීවක ශෂීන්, ෂෙහාන් හසරංග, සසංක නිර්මාල්, තරිඳු රුක්ෂාන්, රවිඳු රන්දික, ඉරුෂ්ක තිමිර, හරීන් අචින්ත, දිනිත ප්‍රභාංක, සඳරු තීක්ෂණ, චමින්ද සඳරුවන්, පැතුම් සඳරුවන්, මතීෂා සාරංග, චනුක සුලක්ෂණ, රංජන් ලසන්ත මහතා (පුහුණුකරු), නිශාන්ත කුමාර මහතා (ප්‍රධාන පුහුණුකරු) සහ එම්.ඩබ්ලිව්.ආර්. අල්විස් මහතා (විදුහල්පති)

මාදම්ප මහා විද්‍යාලය උදේශ් චතුරංග මෙන්ඩිස් (නායක), කවිඳු සුරේෂ් (උප නායක), මල්ෂ තරුපති, ධනුක මධුරංග, සෙනෙත්  මධුරංග, දිල්ක ඉෂාන්, කවීඳු විදුරංගන, චමෝද් දිල්හාර, පසිඳු ලක්ෂාන්, පසිඳු ලක්ෂාන්, තවිඳු නිම්ෂාන්, රශ්මික ගුරුසිංහ, සසිඳු නිමේෂ්, සචින් දිල්හාර, රවිඳු ඉරෝෂ්, කවිඳු විරාජ්, චාමින්ද අචින්ත, කවිෂ්ක ඩිල්ෂාන්, පරාක්‍රම වීරසිංහ මහතා (පුහුණුකරු), එන්. ජී. සුදත් කුමාර මහතා (නියෝජ්ය විදුහල්පති සහ ක්‍රීඩා භාර ආචාර්ය) සහ කේ. ජී. සරත් මහතා (විදුහල්පති)