තෝමසුවෝ අවසන් පූර්ව වටයට එති

ශ්‍රී ලංකා පාසල් ක්‍රිකට් සංගමය සංවිධානය කරන වයස 19 න් පහළ ‘සිංගර් කුසලාන’ අන්තර් පාසල් සීමිත ඕවර ක්‍රිකට් තරගාවලියේ I කොටසේ අවසන් පූර්ව වටයට සුදුසුකම් ලබාගැනීමට ගල්කිස්ස සාන්ත තෝමස් විදුහල සමත් විය.

කැලණිය ගුරුකුල විදුහලට එරෙහිව බම්බලපිටිය ශාන්ත පීතර විදුහල් ක්‍රීඩාංගණයේදී පැවැති අර්ධ අවසන් පූර්ව තරගයේදී ලකුණු 98 ක පහසු ජයක් වාර්තා කරමින් සාන්ත තෝමස් විදුහල තරගාවලියේ අවසන් පූර්ව වටයට සුදුසුකම් ලබාගත්තේය.

ජයග්‍රහණය සඳහා ලකුණු 245 ක ඉලක්කයක් හඹාගිය ගුරුකුල විදුහල ලකුණු 146 කට සීමා කිරීමට පුරෝගාමී වූ දිල්මින් රත්නායක ලකුණු 39 කට කඩුලු 5 ක් දවාගත්තේය.

සාන්ත තෝමස් විදුහල වෙනුවෙන් දක්ෂ පිතිහරඹක නිතර වූ දුලිත් ගුණරත්න (94) ඉතා අවාසනාවන්ත ලෙස ශතකය පෙනි පෙනී දැවී ගියේය.

සාන්ත තෝමස් විදුහල - ඕවර 48.1 කදී සියලු දෙනා දැවී 244
(දුලිත් ගුණරත්න 94, ශලින් ද මෙල් 32, කිෂාන් මුණසිංහ 44, පෘතුවි රූසර 30/4, ලික්ෂාන් සසංග 26/2)

ගුරුකුල විදුහල - ඕවර 37.1 කදී සියලු දෙනා දැවී 146
(කෙමිර නයනතරු 25, පෘතුවි රූසර 28, ලික්ෂාන් සසංග 22, දිල්මින් රත්නායක 39/5, ශැනොන් ප්‍රනාන්දු 14/2, ඩෙලන් පීරිස් 23/2)