ශා.සිල්වෙස්ටර් විද්‍යාලය පළමු ඉනිම ජයගනී

‘සිංගර් කුසලාන’ වයස 19 න් පහළ ක්‍රිකට් තරගාවලියේ පළමු කොටසේ තරගයකදී ගාල්ල මහින්ද විද්‍යාලයට එරෙහිව පළමු ඉනිමේ ජයක් හිමිකර ගැනීමට මහනුවර ශාන්ත සිල්වෙස්ටර් විද්‍යාලය ඊයේ (18 වැනිදා) සමත්විය. මෙම තරගය මහනුවර ධර්මරාජ විද්‍යාලයීය ක්‍රීඩාංගණයේදී පැවැත්විණි.

කෙවින් නිම්ශාන් (140) ශතකයක් සහ නදීර බාලසූරිය ඉනිම දෙකෙහිදී කඩුලු 8 ක් දවාගනිමින් ශාන්ත සිල්වෙස්ටර් විද්‍යාලය වෙනුවෙන් දස්කම් දැක්වූහ.

ශා.සිල්වෙස්ටර් විද්‍යාලය - පළමු ඉනිම - ඕවර 80.4 කදී සියලුදෙනා දැවී ලකුණු 293
(කෙවින් නිම්ශාන් 140, නදීර බාලසූරිය 58, චරිත් රාජගුරු 45, සුබානු රාජපක්ෂ 49/3, කවීශ මල්ලියවඩු 49/3, පසන් පෙතන්ගොඩ 59/2)

මහින්ද විද්‍යාලය - පළමු ඉනිම - ඕවර 43 කදී සියලුදෙනා දැවී ලකුණු 188
(අශේන් කන්ඩම්බි 56, පසන් පෙතන්ගොඩ 39, ළහිරු බාෂන 29, නදීර බාලසූරිය 56/4, හසිඳු නිශංක 33/3, චරිත් රාජගුරු 31/2)

මහින්ද විද්‍යාලය - දෙවැනි ඉනිම - ඕවර 56 කදී කඩුලු 8 ක් දැවී ලකුණු 224
(හංසික වැලිහිඳ 82, දනුජ ඉඳුවර 59, විනුර දුල්සර 39, නදීර බාලසූරිය 52/4)

ශා.සිල්වෙස්ටර් විද්‍යාලය - දෙවැනි ඉනිම - ඕවර 7 කදී කඩුලු 4 ක් දැවී ලකුණු 34
(පසන් පෙතන්ගොඩ 11/3)