ලක්ෂිත - කවීෂ්ගේ පන්දු යැවීම නාලන්දයට ජය ගෙනෙති

‘සිංගර් කුසලාන’ වයස 19 න් පහළ ක්‍රිකට් තරගාවලියේ පළමු කොටසේ තරගයකදී කඳාන ද මැසිනොද් විද්‍යාලයට එරෙහිව ඉනිමක සහ ලකුණු 15 ක ජයක් හිමිකර ගැනීමට කොළඹ නාලන්ද විද්‍යාලය ඊයේ (17 වැනිදා) සමත්විය. මෙම තරගය කොළඹ නාලන්ද විද්‍යාලයීය ක්‍රීඩාංගණයේදී පැවැත්විණි.

ද මැසිනොද් පළමු ඉනිමේදී ලකුණු 41 කට කඩුලු 7 ක් දවාගනිමින් ලක්ෂිත රසාංජනත් මැසිනොද් දෙවැනි ඉනිමේදී ලකුණු 13 කට කඩුලු 6 ක් දවාගනිමින් කවීෂ් මදුරප්පෙරුමත් කොළඹ නාලන්ද විද්‍යාලයට ඉනිමක ජයක් ගෙනදීමට සමත්වූහ. රනිඳු ද සිල්වා (56), රවීන් ද සිල්වා (නොදැවී 54) සහ චමිඳු විජේසිංහ (78) අර්ධ ශතක ලබාගනිමින් පිත්තෙන් දස්කම් දැක්වූහ.

ද මැසිනොද් විද්‍යාලය - පළමු ඉනිම - ඕවර 46 කදී සියලුදෙනා දැවී ලකුණු 146
(නදුන් දිල්ෂාන් 30, නිම්න ප්‍රනාන්දු 28, ලක්ෂිත රසාංජන 41/7, චමිඳු විජේසිංහ 34/3)

නාලන්ද විද්‍යාලය - පළමු ඉනිම - ඕවර 74 කදී කඩුලු 7 ක් දැවී ලකුණු 302
(රනිඳු ද සිල්වා 56, රවීන් ද සිල්වා නොදැවී 54, චමිඳු විජේසිංහ 78, ලක්ෂිත රසාංජන 32, අවිෂ්ක පෙරේරා 23, රොමාල් ප්‍රනාන්දු 84/3, මාක් මතායිස් 42/2)

ද මැසිනොද් විද්‍යාලය - දෙවැනි ඉනිම - ඕවර 64.3 කදී සියලුදෙනා දැවී ලකුණු 141
(නදුන් දිල්ෂාන් නොදැවී 69, නිම්න ප්‍රනාන්දු 23, කවීෂ් මදුරප්පෙරුම 13/6, දිනෙත් සමරවීර 17/2)