Last Update  :  2025-08-29 20:08:00 About Contact
Follow Us -
IMG-LOGO
නිවස්න පිටුව Cricket රාජකීය ‘බී’ -් යාපනය හින්දු බෝයගනේදී අද හමුවෙති

රාජකීය ‘බී’ -් යාපනය හින්දු බෝයගනේදී අද හමුවෙති

editorial - 2025 අගෝ මස 22 {{hitsCtrl.values.hits}} Views 0 Comment
A A A

(රජන්ත බමුණුකොටුව)

ශ්‍රී ලංකා පාසල් ක්‍රිකට් සංගමය විසින් ශ්‍රී ලංකා ක්‍රිකට් ආයතනයේ අනුග්‍රහය ඇතිව සංවිධානය කරනු ලබන වයස අවුරුදු 15න් පහළ අන්තර් පාසල් දෙවැනි කොටසේ ක්‍රිකට් තරගාවලියේ කොළඹ රාජකීය විද්‍යාලයීය ‘බී’  පිල සහ යාපනය හින්දු විද්‍යාලය අතර වන අවසන් පූර්ව තරගය අද (22 සිකුරාදා) බෝයගනේ විජයබා රෙජිමේන්තු ක්‍රීඩාංගණයේදී පැවැත්වේ.

දිවයිනේ පාසල් කණ්ඩායම් 84 ක් කාණ්ඩ 12ක් යටතේ පළමු වටයේදී තරග වදුණු අතර, ඉන් කණ්ඩායම් 32 ක් දෙවැනි වටයට සුදුසුකම් ලැබූහ. දෙවැනි වටයේ සිට පරාජිතයින් පිටුදැකීමේ ක්‍රමයට තරග පැවැති අතර, එහිදී දස්කම් දැක්වූ කොළඹ රාජකීය විද්‍යාලය ‘බී’, යාපනය හින්දු විද්‍යාලය, ඇඹිලිපිටිය ජනාධිපති විද්‍යාලය සහ බලපිටිය සිද්ධාර්ථ මධ්‍ය මහා විද්‍යාලය අවසන් පූර්ව වටයට සුදුසුකම් ලැබූහ.

කොළඹ රාජකීය විද්‍යාලය ‘බී’ පිල සහ යාපනය හින්දු විද්‍යාලය යන කණ්ඩායම් දෙකම අපරාජිතව දෙවැනි වටයට සුදුසුකම් ලැබූහ. රාජකීය විද්‍යාලය ‘බී’ පිල දෙවැනි වටයේදී ඉසිපතන විද්‍යාලය ‘බී’ පිලත් තෙවැනි වටයේදී බණ්ඩාරවෙල මධ්‍ය මහා විද්‍යාලයත් පරදවමින් අර්ධ අවසන් පූර්ව වටයට සුදුසුකම් ලැබීය. 

යාපනය හින්දු විද්‍යාලය දෙවැනි වටයේදී හික්කඩුව ශ්‍රී සුමංගල විද්‍යාලයත් තෙවැනි වටයේදී වයඹ රාජකීය විද්‍යාලයත් පරදවමින් අර්ධ අවසන් පූර්ව වටයට සුදුසුකම් ලැබීය.

අර්ධ අවසන් පූර්ව වටයේදී නුගේගොඩ ලයිසියම් ජාත්‍යන්තර පාසල් පිල පරදවමින් කොළඹ රාජකීය විද්‍යාලය ‘බී’ පිලත් හේනෙගම මධ්‍ය මහා විද්‍යාලය පරදවමින් යාපනය හින්දු විද්‍යාලයත් අවසන් පූර්ව වටයට සුදුසුකම් ලබාගත්හ. 

කොළඹ රාජකීය විද්‍යාලය ‘බී’ පිල හෙසත් ලියනගේ විසින් මෙහෙයවනු ලබන අතර, යාපනය හින්දු විද්‍යාල පිල එස්. සිවකජීසන් විසින් මෙහෙයවනු ලබයි.

 

 

 


අදහස් (0)

රාජකීය ‘බී’ -් යාපනය හින්දු බෝයගනේදී අද හමුවෙති

ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.