තක්‍ෂිලා විද්‍යාලයේ ජය නූලෙන් මඟහැරෙයි

‘සිංගර් කුසලාන’ වයස 19 න් පහළ ක්‍රිකට් තරගාවලියේ II වැනි කොටසේ තරගයකදී පාදුක්ක සිරි පියරතන  විද්‍යාලයට එරෙහිව පළමු ඉනිහේ ජයක් හිමිකර ගැනීමට හොරණ තක්‍ෂිලා විද්‍යාලය ඊයේ (15 වැනිදා) සමත්විය. මෙම තරගය හොරණ තක්‍ෂිලා විද්‍යාලීය ක්‍රීඩාංගණයේදී පැවැත්විණි.

ඕවර 14 කදී ලකුණු 85 ක ඉලක්කයක් හඹාගිය හොරණ තක්‍ෂිලා විද්‍යාලයට නියමිත ඕවර සංඛ්‍යාව අවසානයේ කඩුලු 6 ක් දැවී රැස්කිරීමට හැකිවූයේ ලකුණු 84 ක් පමණි. එම නිසා පූර්ණ ජයග්‍රහණයක් හිමිකර ගැනීමට තිබූ අවස්ථාව ගිලිහිගිය තක්‍ෂිලා විද්‍යාලයට පළමු ඉනිමේ ජයග්‍රහණයකින් සෑහීමට පත්වීමට සිදුවිය.

පාදුක්ක සිරි පියරතන  විද්‍යාලයේ මදුශාන් පිරීස් සහ කාවින්ද ඊශ්වර කඩුලු 5 බැගින් දවාගැනීමට සමත්වූහ.

සිරි පියරතන විද්‍යාලය - පළමු ඉනිම - ඕවර 57.4 කදී සියලුදෙනා දැවී ලකුණු 213
(රජත අශාන් 96, කාවින්ඳ ඊෂ්වර 30, යසිරු දිනෙත් 26, හේෂාන් කාවින්ද 20, උමේෂ් ප්‍රසාද් 64/4, තිසර සචින්තන 25/2)

තක්‍ෂිලා විද්‍යාලය - පළමු ඉනිම - ඕවර 70.5 කදී සියලුදෙනා දැවී ලකුණු 256
(එරංග ජයකොඩි 69, සසංක අදීප 41, තිළිණ තරින්ද 39, උමේෂ් ප්‍රසාද් 24, සසිඳු ජනිත් 24, චමිඳු රංමිනු 21, මදුශාන් පිරීස් 85/5, කාවින්ද ඊශ්වර 98/5)

සිරි පියරතන විද්‍යාලය - දෙවැනි ඉනිම - ඕවර 56.4 කදී සියලුදෙනා දැවී ලකුණු 127
(මදුෂාන් පිරීස් 44, කවිෂ්ක ධනංජය 34, ගිත්මින් කොළඹගේ 26, තිළිණ තරින්ද 45/4, තිසර සචින්තන 37/3)

තක්‍ෂිලා විද්‍යාලය - දෙවැනි ඉනිම - ඕවර 14 කදී කඩුලු 6 ක් දැවී ලකුණු 84
(සසංක අදීප 21, කාවින්ද ඊශ්වර 40/2, දේශික දිල්ශාන් 41/2)