මේ මාසයේ පීතෘ නිවාඩුවෙන් පසුව යළි පැමිණි විලියම්සන්, පාකිස්තානයට එරෙහි පැවැති පළමු ටෙස්ට් තරගයේදී ශතකයක් ලබා ගනිමින් ලකුණු 101 ක ජයක් කරා නවසීලන්ත කණ්ඩායම මෙහෙය වූයේය.

කේන් විලියම්සන්ට පෙර ටෙස්ට් ශ්‍රේණිගතක කිරීම්හි පිතිකරුවන් අතර පෙරමුණ ගෙන සිටි ස්ටීවන් ස්මිත් ඉන්දියාවට එරෙහිව පැවැති තරග දෙකේදී පසුබෑමට ලක්වූ අතර ඉනිම හතරකදී ඔහු රැස්කර ඇත්තේ ලකුණු 10 ක් (1, නොදැවී 1, 0, 8) පමණි. මෙම පසුබෑම නිසා ඇඩිලේඞ් හි පැවති පළමු ටෙස්ට් තරගයෙන් පසුව ස්මිත් තෙවැනි ස්ථානය දක්වා ස්මිත් පහත් වැටුණි.

ඕස්ටේ්‍රලියාවේ පැට් කමින්ස් ටෙස්ට් පන්දු යවන්නන් ශ්‍රේණිගත කිරීම්හී ඉහළින්ම සිටින අතර මිචෙල් ස්ටාර්ක් ස්ථාන දෙකක් පසුකර පළමු පස් දෙනා අතරට පැමිණියේය. මෙල්බර්න් ටෙස්ට් තරගයේදී ඉන්දියාවේ දඟ පන්දු යවන ක්‍රීඩක රවිචන්ද්‍රන් අශ්වින් 7 වැනි ස්ථානයට සහ වේග පන්දු යවන ක්‍රීඩක ජස්ප්‍රිත් බුම්රා 9 වැනි ස්ථානයටත් පැමිණෙමින් හොඳම 10 අතර ස්ථානයක් වෙන්කර ගැනීමට සමත්වූහ.

දකුණු අප්‍රිකාවට එරෙහිව පැවැති පළමු ටෙස්ට් තරගයේ පළමු ඉනිමේදී ලකුණු 79 ක් ලබා සිටියදී ආබාධයකට ලක්ව පිටියෙන් ඉවත් වූ ධනංජය ද සිල්වා පිතිකරුවන් ශේණිගත කිරීම් අතරේ 34 වන ස්ථානය දක්වා ස්ථාන 9කින් ඉදිරියට පැමිණ ඇත. පළමු ඉනිමේ දී ලකුණු 85 ක් සහ දෙවන ඉනිමේ දී ලකුණු 25 ක් රැස් කළ දිනේෂ් චන්දිමාල් ස්ථාන 3 කින් ඉදිරියට පැමිණ ඇති අතර මේ වනවිට ඔහු 38 වන ස්ථානයේ පසුවන්නේය.

දෙවන ඉනිමේ දී අර්ධ ශතකයක් ලබාගත් කුසල් පෙරේරා 60 වන ස්ථානය දක්වා ස්ථාන 4කින් ඉදිරියට පැමිණීමට ද සමත්ව තිබේ. නායක දිමුත් කරුණාරත්න ටෙස්ට් පිතිකරු ශ්‍රේණිගත කිරීම්හී 17 වැනි ස්ථානය දක්වාත් කුසල් මෙන්ඩිස් 30 වැනි ස්ථානය දක්වාත් පසුබැස ඇත.

පන්දු යවන්නන් ශේණිගත කිරීම්වලට අනුව 45 වන ස්ථානය දක්වා ස්ථාන 2කින් ඉදිරියට පැමිණීමට විශ්ව ප්‍රනාන්දු සමත්ව ඇත.

 

- 2079