අන්තර් සමාජ තුන්දින ක්‍රිකට් තරගාවලියේ තරගයකදී යුද හමුදා කණ්ඩායම හමුවේ ලකුණු 400 ක් ඉක්මවා ලබාගැනීමට සෙබස්තියනයිට්ස් කණ්ඩායම අද (23 වැනිදා) සමත් විය. කොළඹ පී.සරවනමුත්තු ක්‍රීඩාගණයේදී පැවැත්වෙන මෙම තරගයේදී මාලිංග මලිගස්ප්‍රේ (148) සහ උමයංග සුවාරිස් (නොදැවී 113) ශතක ලබාගත්හ.
විනාඩි 555 ක් පුරා පිටියේ රැඳුණු මාලිංග මලිගස්ප්‍රේගේ පන්දු 231 ඉනිමට හතරේ පහර 12 ක් ඇතුළත් වී තිබිණ. පැය හතරකට ආසන්න කාලයක් කඩුල්ලේ රැඳුණු උමයංග සුවාරිස් හතරේ පහර 9 කින් සහ හයේ පහර 4 කින් සිය ඉනිම සැරසීය.
තරගයේ දෙවැනි දිනය වන අද (23 වැනිදා) සවස ක්‍රීඩාව නතර කරන විට සෙබස්තියනයිට්ස් කණ්ඩායම කඩුලු 8 ක් දැවී ලකුණු 401 ක් ලබා සිටියේය. හෙට තරගයේ අවසන් දිනයයි.
සෙබස්තියනයිට්ස් - පළමු ඉනිම කඩුලු 8 ක් දැවී 401 යි
(මාලිංග මලිගස්ප්‍රේ 148, ඉෂාන් රංගන 29, ශාලක බණ්ඩාර 12, උමයංග සුවාරිස් නොදැවී 113, ශශ්‍රීක පුස්සගොල්ල 31, චරිත් රාජපක්‍ෂ නොදැවී 33, චිරන්ත තීක්‍ෂණ 89/2, සීකුගේ ප්‍රසන්න 78/2, හර්ශජිත් රුෂාන් 62/3)
- 213
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
