(රජන්ත බමුණුකොටුව)
ශ්‍රී ලංකා පාසල් ක්‍රිකට් සංගමය විසින් සංවිධානය කරනු ලබන වයස අවුරුදු 15න් පහළ පළමු කොටසේ අන්තර් පාසල් ක්‍රිකට් තරගාවලියේ අර්ධ අවසන් පූර්ව වටයට සුදුසුකම් ලැබීමට වත්තල ශාන්ත අන්තෝනි විද්‍යාලය සමත්විය.
වත්තල ශාන්ත අන්තෝනි විද්‍යාල ක්‍රීඩාංගණයේ පැවැති තෙවැනි වටයේ තරගයේදී වත්තල ශාන්ත අන්තෝනි විද්‍යාලය විසින් මීගමුව මාරිස්ටෙලා විද්‍යාලයට එරෙහිව පළමු ඉනිමේ ජයක් වාර්තා කරන ලදි.
වත්තල ශාන්ත අන්තෝනි විද්‍යාලය තම පළමු ඉනිම වෙනුවෙන් පන්දුවාර 50 තුලදී කඩුලු 9 ක් පමණක් දැවී ලකුණු 280ක් රැස් කළ අතර, එහිදී දක්ෂ පිතිහරඹයක නිරත වූ හෆීස් ජුන්කීර් පන්දු 138 කදී හතරේ පහර 16 ක් සහ හයේ පහර 3 ක් සමගින් නොදැවී ලකුණු 155ක් රැස් කළේය.
මීගමුව මාරිස්ටෙලා විද්‍යාලය - පළමු ඉනිම 194 යි
(නවිත් ද සිල්වා 70, ෂිනාන් අස්කර් 37, යෙනුල් බණ්ඩාර 26, ඩිලේන් මෙන්ඩිස් නොදැවී 25, නසාර් හම්සත් 26/3, චමත් දම්සර 40/2, සදීෂ කාවින්ද 49/2)
වත්තල ශාන්ත අන්තෝනි විද්‍යාලය - පළමු ඉනිම කඩුලු 9 ට 280 යි
(හෆීස් ජුන්කීර් නොදැවී 155, සදීෂ කාවින්ද 39, හිමාෂ සිල්වා 34, චමත් දම්සර 20, රුවීන්ද්‍ර ප්‍රනාන්දු 52/4, ඩිලේන් මෙන්ඩිස් 30/2, සංසල විතානගේ 60/2)
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
