දියගම ක්‍රීඩාංගණය බලන්න ක්‍රීඩා ඇමති යයි

හෝමාගම දියගම මහින්ද රාජපක්ෂ ක්‍රීඩාංගණයේ වත්මන් තත්ත්වය පිළිබඳව සොයා බැලීම සඳහා ක්‍රීඩා ඇමැති ෆයිසර් මුස්තාපා මහතා අද (15) එහි නිරීක්ෂණ චාරිකාවක නිරත විය.

මේ වනවිට දැඩි අබලන් තත්ත්වයේ පවතින දියගම ක්‍රීඩා සංකීර්ණයේ ප්‍රතිසංස්කරණ කටයුතු ඇමැතිවරයාගේ අවධානයට යොමු වූ අතර ප්‍රතිසංස්කරණ කටයුතු ඉතා ඉක්මනින් නිමකර එය ක්‍රීඩක ක්‍රීඩිකාවන්ට විවෘත කරන ලෙස එහිදී ඇමැති මුස්තාපා මහතා නිලධාරීන්ට උපදෙස් දුන්නේය.

එම අවස්ථාවට ක්‍රීඩා ශ්‍රී ලංකා මලල ක්‍රීඩා සංගමයේ සභාපති මේජර් ජනරාල් පාලිත ප්‍රනාන්දු මහතා සමග ක්‍රීඩා අමාත්‍යාංශයේ ඉහළ පෙළේ නිලධාරීහු පිරිසක්ද සහභාගි වූහ.