අප් කන්ට්‍රි ලයන්ස් - සෝන්ඩර්ස් තරගය අත්හිටුවයි

ශ්‍රී ලංකා පාපන්දු සම්මේලනය සංවිධානය කරන ඩයලොග් ශූරයන්ගේ කුසලාන පාපන්දු තරගාවලියේදී සෝන්ඩර්ස් ක්‍රීඩා සමාජය සහ අප් කන්ට්‍රි ලයන්ස් ක්‍රීඩා සමාජය අතර සිටි පාපන්දු ක්‍රීඩාංගණයේදී පැවැති තරගය ආරක්ෂක හේතූන් මත 91 වැනි මිනිත්තුවේදී (අතිරේක කාලයේදී) අත්හිටුවීමට සිදුවිය.  

තරගය නතර කරන විට ගෝල 3-1 ක් ලෙස අප් කන්ටි්‍ර ලයන්ස් ක්‍රීඩා සමාජය ඉදිරියෙන් සිටියේය. පී.ජේ. එවන්ස් 72 වැනි සහ 86 වැනි මිනිත්තුවලදීද, ආර්. සරන්රාජ් 47 වැනි මිනිත්තුවේදීද අප් කන්ටි්‍ර ලයන්ස් ක්‍රීඩා සමාජය වෙනුවෙන් ගෝල ලබාගත්හ. 

සෝන්ඩර්ස් ක්‍රීඩා සමාජය වෙනුවෙන් වාර්තා වූ එකම ගෝලයට හිමිකම් කීමට ක්‍රිෂාන්ත අබේසේකර සමත් වූයේ 36 වැනි මිනිත්තුවේදීය. 

මෙම තරගයේදී අප් කන්ට්‍රි ලයන්ස් ක්‍රීඩා සමාජයේ එස්. නිරේෂ් සහ සෝන්ඩර්ස් ක්‍රීඩා සමාජයේ ඩී. ඔෆොරි කහ කාඞ්පත් ලැබූහ. 

-036