තිරිමාන්න නායකත්වයට පත්කරයි

පාකිස්තානයේදී මේ මස 27 වැනිදා ආරම්භ වන තරග තුනකින් සමන්විත එක්දින ක්‍රිකට් තරගාවලියට සහභාගි වන ශ්‍රී ලංකා කණ්ඩායමේ නායකත්වයට ළහිරු තිරිමාන්න පත්කර තිබේ.

එක්දින පිලේ නායක දිමුත් කරුණාරත්න, විස්සයි20 පිලේ නායක ලසිත් මාලිංග, හිටපු නායකයකු මෙන්ම ප්‍රබල පිතිකරු ඇන්ජලෝ මැතිව්ස්, විස්සයි20 පිලේ උප නායක නිරෝෂන් දික්වැල්ල, ආරම්භක පිතිකරු කුසල් ජනිත් පෙරේරා, දිනේෂ් චන්දිමාල්, අකිල ධනංජය, ධනංජය ද සිල්වා, සුරංග ලක්මාල් සහ තිසර පෙරේරා ඇතුළු ක්‍රීඩකයන් 12 ක් පමණ පාකිස්තානු සංචාරයට සහභාගි වීම ප්‍රතික්ෂේප කර තිබේ.